Máis aves comedoras de miñocas

DSC_8309

O 41 de maio veu frío e chuviñento, así que as miñocas estaban polo chan. Foi o que observamos indo ao cole. Xusto cando estabamos chegando, un dos habituais, o rabirubio (Phoenicurus ochruros) – ou colirrojo tizón en castelán- sorprendeunos apañando unha pequena miñoca na beirarrúa e levándoa no peteiro.

Realmente é sorprendente a importancia que poden ter estes anélidos, que mesmo unha especie que, en principio, non a debera ter na súa dieta, pois é netamente insectívoro,  mesmo come un exemplar, pequeno eso si. Unha excelente observación a menos de 50 metros da porta do cole

Números

Hoxe fixemos unha proba. De casa ao cole, anotamos todas as especies de aves detectadas (vistas e oidas). Ata agora simplemente iámolas identificando e disfrutando. Hoxe contamos as especies (a Riqueza). Saíu esto:

  1. Pardal común (Passer domesticus – gorrión comun)
  2. Estorniño negro (Sturnus unicolor – estornino negro)
  3. Carrizo (Troglodytes troglodytes – Chochín)
  4. Papuxa das amouras (Sylvia atricapilla – curruca capirotada)
  5. Merlo (ou checorosa) (Turdus merula– mirlo común)
  6. Rabirrubio (Phoenicurus ochruros – colirrojo tizón)

En total 6 especies. Pouco para o que é habitual, quizáis o día inusualmente frío e chuvioso tivo a culpa. Fallaron algunhas especies “seguras”  como as gaivotas patiamarelas (Larus michahellis– gaviota patiamarilla) ou mesmo os pombos (Columba palumbus – paloma torcaz).

Conclúo que para coñecer a comunidade de aves dun lugar, neste caso transecto casa-cole, hai que facer varios mostraxes. Pregúntame que é unha mostraxe….

Faremos este exercicio máis veces. Cando o teñamos dominado, contaremos cantos individuos hai de cada especie.