As andoriñas dos penedos

Pode haber aves rupícolas en Compostela? pois claro!. As aves rupícolas son aquelas que, basicamente, viven en ambientes rochosos, ben cantís, ben pelouros… Pois para estas aves a zona vella é como un gran complexo rochoso con cantís impresionantes que ven a ser a catedral, e moitos rincóns. Neste caso deixo un video de hai unhas semanas onde as andoriñas dos penedos (Ptyonoprogne rupestris) gozan duns raios de sol nin máis nin menos que no Concello. O seú número era bastante elevado, duns 50, que non está nada mal. Lembrade que estas andoriñas son as únicas que pasan todo o ano con nós, isto é, non van a África a invernar.

Velas no entorno da Catedral é, precisamente, moi sinxelo, simplemente hai que fixarse.

Anduriñas en inverno?

Hai uns meses falaba dunhas anduriñas, as anduriñas de cu branco. Son aves comedoras de insectos que atrapan en voo e todo o mundo sabe, inda que só sexa polo famoso poema de Bécquer, que as anduriñas veñen tan só en primavera e verán e pasan o inverno en latitudes máis meridionais, en África, mentres aquí pasamos frío. Pois ben, hai unha especie fascinante de anduriñas que aguantan aquí todo o inverno con nos. Trátase das anduriñas de os penedos (Ptyonoprogne rupestris). Son de cor marrón en xeral, de corpo robusto e como o seu nome indica están ligadas a penedos, onde ubican os seus niños, así é sinxelo velas en cantís, rochedos, de case calquera lugar. Agora ben en Santiago de Compostela temos algúns fantásticos “cantís” feitos polo home, o máis famoso deles, a catedral, aportando deste xeito o medio rupícola aos hábitats locais.

A miña recomendación, para os días que non chove, é achegarnos polo entorno da catedral onde as poderemos observar con facilidade en torno ás torres capturando o, supostamente, escaso insectos exitentes. Aquí deixo algunhas fotos.

Aquí unha anduriña dos penedos en voo.

Aquí unha anduriña dos penedos en voo.

Vista da catedral dende Praterías, un bo lugar para observar estas anduriñas

Vista da catedral dende Praterías, un bo lugar para observar estas anduriñas