Pode haber aves rupícolas en Compostela? pois claro!. As aves rupícolas son aquelas que, basicamente, viven en ambientes rochosos, ben cantís, ben pelouros… Pois para estas aves a zona vella é como un gran complexo rochoso con cantís impresionantes que ven a ser a catedral, e moitos rincóns. Neste caso deixo un video de hai unhas semanas onde as andoriñas dos penedos (Ptyonoprogne rupestris) gozan duns raios de sol nin máis nin menos que no Concello. O seú número era bastante elevado, duns 50, que non está nada mal. Lembrade que estas andoriñas son as únicas que pasan todo o ano con nós, isto é, non van a África a invernar.
Velas no entorno da Catedral é, precisamente, moi sinxelo, simplemente hai que fixarse.
Aves en Santiago de Compostela 
Ola Xabier, xustamente hoxe vin unha parella nun niño baixo do viaducto da autopista que está á entrada do Milladoiro. Polo que entendo despois de ler o teu ‘post’, non é raro que aniñen aquí, non sí?
Non, non é extrano nen moito menos. Tamén crían no viaducto do tren á saída da estación do tren por ex. De todos xeitos hai que asegurarse da especie porque últimamente crían en viaductos anduriñas dauricas, unhas “recén chegadas” á Península Ibérica.
Traterei de mirar ese viaducto cando pase por alí. Graciñas